مه‌ودا میدیا-

كارمه‌ندانى ته‌ندروستى به‌هۆى دابه‌شنه‌كردنى مووچه‌كانیان بڕیاریاندا له‌ هه‌فته‌ى داهاتووه‌وه‌ بایكۆتى بنكه‌ و داموده‌زگاكانى ته‌ندروستى بكه‌ن.

هاوژین عوسمان، سه‌رۆكى سه‌ندیكاى كارمه‌ندانى ته‌ندروستى به‌ مه‌ودا میدیاى راگه‌یاند "كارمه‌ندانى ته‌ندروستى ماوه‌ى 50 رۆژه‌ مووچه‌یان وه‌رنه‌گرتووه‌ و به‌بێ مووچه‌ش ده‌وام ناكرێت".

وتیشى "له‌ هه‌فته‌ى داهاتووه‌وه‌ بایكۆتى بنكه‌ و نه‌خۆشخانه‌ و داموده‌زگاكانى ته‌ندروستى ده‌كه‌ین و ده‌وام ناكه‌ین چونكه‌ به‌بێ مووچه‌ و ماف ده‌وامیش ناكرێت و قورساییه‌كى زۆر له‌سه‌ر كارمه‌ندانى ته‌ندروستى هه‌یه‌".

شایه‌نى باسه‌، له‌ ئێستادا به‌شێكى فه‌رمانبه‌رانى سلێمانى له‌ فه‌رمانگه‌ى كاره‌با و دادنوس و پزیشكان بایكۆتى ده‌وامییان كردووه‌.

ه،ع