مەودا میدیا

كەمێك لەمەوبەر، ئاسایشی پارتی لە سۆران تێكۆشەر حسێنی چالاكوانی ئازاد كرد، ئەویش دوای ئەو فشارە میدیایی و رێكخراوەییە كرا بۆ ئازادكردنی ناوبراو.

ئێوارەی ئەمڕۆ، تێكۆشەر حسێن مامۆستا و چالاكوانی مەدەنی، لەلایەن ئاسایشی سۆرانەوە دوای بانگكردنی زیندانی كرا بە بێ ئەوەی هۆكاری تۆمەتی سەر ناوبراو بڵاوبكەنەوە.

دوای بڵاوبوونەوەی هەواڵەكە، رۆژنامەنووسان و میدیا و رێكخراوەكان داوای ئازادكردنی تێكۆشەر حسێنیان كرد و كەمێك لەمەوبەر ئازاد كرا.

ئەمە لە كاتێكدایە ئەمڕۆ كونسوڵخانەی ئەمریكا لە هەولێر نیگەرانی خۆی نەشاردەوە لەسەر پاشەكشەكردنی ئازادی رادەربڕین لە هەرێمی كوردستاندا.
ب. گ