مه‌ودا میدیا-

لیژنه‌ى زیاده‌ڕۆیی سلێمانى هه‌ڵمه‌تێكى ده‌ستپێكرد بۆ سزادان و لابردنى عه‌ره‌بانه‌ و میوه‌فرۆشه‌كانى سه‌ر شۆسته‌ و جاده‌كان و خاوه‌ن عه‌ره‌بانه‌یه‌كیش ده‌ڵێت پاره‌یه‌كى زۆر غه‌رامه‌ كراوین.

مه‌ریوان ناسر، خاوه‌نى عه‌ره‌بانه‌ و ده‌ستگێڕ به‌ مه‌واد میدیاى راگه‌یاند "هه‌فته‌ى رابردوو شاره‌وانى سلێمانى و تیمه‌كانى لابردنى زیاده‌ڕۆیی هه‌ڵمه‌تێكیان ده‌ستپێكردووه‌ بۆلابردنى عه‌ره‌بانه‌ى سه‌ر شه‌قامه‌كان ئه‌وانه‌ى میوه‌ ده‌فرۆشن".

باسى له‌وه‌شكرد "ئه‌وانه‌ى له‌سه‌ر شۆسته‌ و رێگاكان عه‌ره‌بانه‌ و مێزیان داناوه‌ و خۆراك و كه‌لوپه‌ل و میوه‌ ده‌فرۆشن سزا و غه‌رامه‌یان بۆ كراوه‌ و غه‌رامه‌كه‌ش له‌ 150 هه‌زار دینار كه‌متر نییه‌".

وتیشى "چه‌ند كه‌سێك به‌هۆى ئه‌وه‌ى عه‌ره‌بانه‌یان دانابوو سزادراون و 150 هه‌زار دیناریان لێ وه‌رگیراوه‌، ئه‌مه‌ رێگرییه‌ له‌وانه‌ى كه‌ كار بۆ په‌یداكردنى بژێوى ماڵ و مناڵیان ده‌كه‌ن".

"پێش چه‌ند رۆژێكى تر هه‌ڵمه‌تێكیان ده‌ستپێكرد ژماره‌یه‌ك كورسى شوێنه‌كه‌ى منیان برد كه‌ چایی تێدا ده‌فرۆشم، به‌بێ ئه‌وه‌ى ئاگاداركردنه‌وه‌م بۆ بكرێت كورسییه‌كانیان باركردبوو".

ه،ع