مەودا میدیا-

بەهۆی ئەو هێرشانەی شەوی رابردوو لەلایەن ئەمریكاوە كرایە سەر عیراق، سەرۆك وەزیران محەمەد شیاع سودانی سێ رۆژ ماتەمینی لە تەواوی دەزگاكانی سەر بە حكوومەتەكەی راگەیاند.

نوسینگەی سەرۆك وەزیرانی عیراق لە راگەیاندراوێكدا بڵاویكردۆتەوە "وەك هاوسۆزیەك بۆ گیانی شەهیدانی هێزە چەكدارەكان و ئەو هاوڵاتییە مەدەنیانەی كە لە ئەنجامی بۆردومانەكانی هێزەكانی ئەمریكا بۆسەر ناوچەكانی عەكاشات و قائیم لە ڕۆژئاوای پارێزگای ئەنبار بوونەتە قوربانی، بۆ ماوەی سێ ڕۆژ ماتەمینی گشتی رادەگەیەنین.

شەوی رابردوو هێزەكانی ئەمریكا حەوت بارەگای گروپە چەكدارەكانی بە فرۆكەی جەنگی بۆردوومان كرد، لە ئەنجامدا 16 كەس كوژران و 25 ی دیكەش برینداربوون
ب. گ