مه‌ودا میدیا-

مامۆستایانى هه‌ڵه‌بجه‌ بۆ داواكردنى مافه‌كانیان رژانه‌ سه‌ر شه‌قام و له‌گه‌ڵ ئه‌وانیشدا چین و توێژه‌كانى تریش چونه‌ سه‌ر شه‌قام و ده‌ستیان به‌ خۆپیشاندان كرد.

عه‌لى سه‌ردار، مامۆستاى ناڕازى به‌ مه‌ودا میدیاى راگه‌یاند "ئه‌مڕۆ دووشه‌ممه‌، بۆ داواكردنى مافه‌كانمان، مامۆستایانى هه‌ڵه‌بجه‌ و ده‌وروبه‌رى ده‌ستیان كرد به‌ خۆپیشاندان و له‌گه‌ڵ ئێمه‌شدا هاوڵاتییان و چین و توێژه‌كانى تریش به‌شدارن".

وتیشى "مامۆستایانى ناڕازى به‌رده‌وام ده‌بن له‌ خۆپیشاندان و ناڕه‌زایه‌تییه‌كانیان تا ئه‌وكاته‌ى حكومه‌ت به‌خه‌به‌ردێت و داواكانمان جێبه‌جێ ده‌كات و مافى مامۆستایان ده‌گه‌ڕێنێته‌وه‌".

باسى له‌وه‌شكرد "نزیكه‌ى پێنج مانگه‌ له‌سه‌ر شه‌قامین و ده‌یان هه‌زار مامۆستا و فه‌رمانبه‌رى په‌روه‌رده‌ به‌ یه‌ك ده‌نگ هاوار ده‌كه‌ین مافه‌كانمان، به‌ڵام یه‌ك به‌رپرسى حكومه‌ت و په‌روه‌رده‌ به‌ده‌ممان نه‌هاتووه‌، ئێمه‌ش بڕیارمان داوه‌ به‌رده‌وامبین له‌و ناڕه‌زایه‌تییانه‌".

ه،ع