مەدا میدیا-

وەزارەتی شارەوانی و گەشتوگوزار رایدەگەیەنێت، لێخۆشبوونی قەرزی ئاو تاوەکو 10ی ئاداری  2024 بەردەوامدەبێت.

 

وەزارەتی شارەوانی و گەشتوگوزاری هەرێمی کوردستان لە راگەیەندراوێكدا بڵاویكردەوە و دەڵێت: لە ساڵی رابردوودا  بۆ بەرژەوەندیی گشتی و بە رەچاوكردنی دۆخی دارایی هاووڵاتییان بڕیاردرا بە لێخۆشبوون و داشكاندنی رێژەی لە سەدا 15 لە دانەوەی قەرزی هاوبەشانی ئاو لە هەرێمی كوردستان بۆ ماوەی سێ مانگ.

 

وتیشی: بڕیاری لێخۆشبوونی قەرزی ئاو بۆ ماوەی سێ مانگ بوو، بەڵام هێشتا كاری پێدەكرێت، بۆیە لە ئێستاوە تا بەرواری 10 ئاداری 2024 هاوبەشانی ئاو دەتوانن سەردانی بەڕێوەبەرایەتییەكانی ئاو بكەن و مامەڵەی سوودمەندبوون پێشكەش بكەن.

 

گ.ع