مه‌ودا میدیا-

وه‌زاره‌تى دارایی و ئابوورى حكومه‌تى هه‌رێمى كوردستان نوسراوێكى گشتاندن پێكردووه‌ بۆ هه‌موو وه‌زاره‌ت و فه‌رمانگه‌كان له‌باره‌ى به‌ده‌ستهێنانى بڕوانامه‌ى فه‌رمانبه‌ر و مووچه‌خۆران.

له‌ نوسراوه‌كه‌ى وه‌زاره‌تى دارایی هاتووه‌ "ئاماژە بە نووسراوی ئەنجوومەنی وەزیران سكرتارییەت ژمارە (16960) لە 24/12/2023وە، ئاماژە بە فەرمانی وەزاریمان ژمارە (743) لە 22/1/2024 كە تایبەتە بە پێكهێنانی لیژنەیەك بە مەبەستی پۆلێنكردنی هەڵسەنگاندنی حاڵەتەكانی ئەو بڕوانامانەی كە بەبێ مۆڵەتی خوێندن بەدەست هاتوون".

باس له‌وه‌شكراوه‌ "ئامانجی وەزارەتی دارایی و ئابووری ئەوەیە، بۆ ئەوەی لەڕووی زانستی و كارگێڕی و دارایی و یاساییەوە هەڵبسەنگێنرێن، بۆ ئەم مەبەستە دوو دانە فۆرمی زانیاریی بۆ وەزارەتەكان رەوانە دەكات، بۆ پڕكردنەوەی داتای پێویست، لە ماوەی 15 رۆژدا بۆمان رەوانە بكەن تا كاری پێویست ئەنجامبدەین".

ه،ع