مه‌ودا میدیا-

هه‌ر یه‌كه‌ له‌ وه‌زیرى به‌رگرى توركیاو سوپاسالارى ئه‌و وڵاته‌ له‌ دواى ئه‌وه‌ى دوێنێ سێشه‌ممه‌ سه‌ردانى به‌غدایان كرد، ئه‌مڕۆ له‌ هه‌رێمى كوردستانن و له‌گه‌ڵ به‌رپرسانى حكومى هه‌رێمى كوردستان كۆده‌بنه‌وه‌.

هه‌ر یه‌كه‌ له‌ یه‌شار گوله‌ر، وه‌زیرى به‌رگرى توركیا و مه‌تین گوره‌ك، سوپاسالارى توركیا دوێنێ سێشه‌ممه‌، سه‌ردانى به‌غدایان كرد و له‌گه‌ڵ سه‌رۆككۆمارى عیراق و چه‌ند به‌رپرسێكى ترى حكومى كۆبوونه‌وه‌ و دواتریش سه‌ردانى هه‌رێمى كوردستانیان كرد.

بڕیاره‌ له‌ چوارچێوه‌ى سه‌ردانه‌كه‌یان ئه‌مڕۆ له‌ هه‌ولێرى پایته‌خت، له‌گه‌ڵ به‌رپرسانى حكومى هه‌رێمى كوردستان كۆببنه‌وه‌ و چه‌ندین پرسى گرنگ تاوتوێ بكه‌ن له‌وانه‌ش بابه‌تى هێرشه‌كانى توركیا بۆ سه‌ر خاكى هه‌رێم به‌هۆى بوونى په‌كه‌كه‌ له‌ناو خاكى هه‌رێم.

وڵاتى توركیا به‌ به‌رده‌وامى به‌ درۆن و مووشه‌ك هێرش ده‌كاته‌ سه‌ر هه‌رێمى كوردستان و بۆ ئه‌وه‌ش بیانوى په‌كه‌كه‌ى هه‌یه‌ له‌ناو خاكى هه‌رێم.

ه،ع