مه‌ودا میدیا-

پۆلیسى پارێزگاى هه‌ڵه‌بجه‌ رایگەیاند، شه‌وى رابردوو ته‌قه‌ له‌ پێشمه‌رگه‌یه‌ك كراوه‌ و برینداربووه‌، تاوانباره‌كانیش ماتۆڕیان پێ بووه‌.

 بەرزان عوسمان، وتەبێژی بەڕێوەبەرایەتی پولیسی پارێزگای هەڵەبجە به‌ مه‌ودا میدیاى رایگەیاند" شەوی رابردوو  لەئەنجامی رووداوێکی تەقەکردن پێشمەرگەیەک بەناوی (ژ. م.) لەنزیک گوندی عەبایەیلێ بریندار دەبێت ".

باسى له‌وه‌شكرد "ئه‌و پێشمه‌رگه‌یه‌ تەمەنى 25 ساڵ، دانیشتوی هەڵەبجەیه‌، لەلایەن دوو تۆمەتبارەوە، کە ماتۆڕسکیلێکیان پێبووە تەقەیان لێکردووە و هەڵهاتون".

ئه‌وه‌شى خسته‌ڕوو "تیمی هاوبەشی پولیس و ئاسایش لێکۆڵینەوە لەڕووداوەکە دەکەن و دۆسیەی لێکۆلینەوە لەبنکەی  پۆلیسی شەهید سەرکار بۆڕووداوەکە رێکخراوە".

ه،ع