مه‌ودا میدیا-

وه‌زاره‌تى گواستنه‌وه‌ و گه‌یاندنى حكومه‌تى هه‌رێمى كوردستان بڵاویكرده‌وه‌، سبه‌ینێ شه‌پۆله‌ باران بارینه‌كه‌ ده‌گاته‌ ئاسمانى هه‌رێم و له‌ شه‌ودا بارانى به‌لێزمه‌ و هه‌وره‌تریشقه‌ ده‌ستپێده‌كات.

وه‌زاره‌تى گواستنه‌وه‌ بڵاویكرده‌وه‌ "سبه‌ینێ چوارشه‌ممه‌، لە کاتەکانی بەیانی ئاسمان نیمچە هەور و هەوری تەواو دەبێت لە ئەنجامی کاریگەری شەپۆلێکی باران بارین لە دوایی نیوەرۆ بە شێوەی نمە باران سەرەتا لە سنوری پارێزگای دهۆک دەست پێ دەکات".

هه‌روه‌ها " رێژەی دابارین زیاد دەکات لە کاتەکانی شەودا دەگۆرێت بۆ بارانی مامناوەند، هەندێ ناوچەش لێزمە باران و هەورە تریشقەشی لەگەڵدا دەبێت بە تایبەتی لە سنووری پارێزگای دهۆک و ناوچە شاخاویەکان بە گشتی".

پلەکانی گەرما نزم دەبنەوە بە (2- 4) پلەی سیلیزی بەراوورد بە تۆمارکراوی ئەمرۆ سێشه‌ممه‌.

بەرزترین پلەکانی گەرمای پێشبینیکراو بە پلەی سیلیزی :

هەولێر : 16 

سلێمانی : 17

دهۆک : 15

کەرکوک : 18

هەڵەبجە : 17

زاخۆ : 16

سۆران : 14

حاجی ئۆمەران : 8

گەرمیان : 21

ه،ع