مەودا میدیا-

ئه‌مڕۆ ‌سێشه‌ممه‌  13ی شووباتی2024  نێچیرڤان بارزانی، سه‌رۆكی هه‌رێمی كوردستان له‌گه‌ڵ سه‌رۆك و جێگران و ئه‌ندامانی دادگای پێداچوونه‌وه‌ی هه‌رێمی كوردستان كۆبووەوە‌.

له‌ كۆبوونه‌وه‌كه‌دا کە وەزیری دادی حكومەتی هەرێمی كوردستان ئامادەی بوو پرسی دواكه‌وتنی بڕیاری دادگای باڵای فیدڕالیی عیراق سه‌باره‌ت به‌ یاسای هه‌ڵبژاردنی په‌رله‌مانی كوردستان و ره‌هه‌نده‌ ده‌ستووری و یاساییه‌كان و ئەگەر و لێكەوتەكانی خرانە بەر باس و گفتوگۆ.

سه‌رۆكی هه‌رێمی كوردستان جه‌ختی له‌وه‌ كرده‌وه،‌ كه‌ سه‌رۆكایه‌تیی هه‌رێمی كوردستان و لایه‌نه‌ په‌یوه‌ندیداره‌كان هه‌موو رێكارێكی ده‌ستووری و یاسایی ده‌گرنه‌به‌ر بۆ ئه‌نجامدانی هه‌ڵبژاردنی په‌رله‌مانی كوردستان، لەمبارەیەشەوە را و سەرنجی به‌شداربووانی كۆبوونه‌وه‌ به‌هه‌ند و جێی بایه‌خ وه‌رده‌گیرێت و كاری جددیان له‌سه‌ر ده‌كرێت.