مه‌ودا میدیا-

پارێزگارى هه‌ولێر رایگه‌یاند، چاوه‌ڕێى دۆخه‌كه‌ ده‌كه‌ین له‌باره‌ى كه‌شوهه‌وا بۆ بڕیاردان له‌ باره‌ى پشووى سبه‌ینێ پێنجشه‌ممه‌.

ئومێد خۆشناو، پارێزگارى هه‌ولێر رایگه‌یاند "ته‌واوى ئاماده‌كارییه‌كان كراون له‌ باره‌ى باران بارین و لافاو به‌هۆى ئه‌و شه‌پۆله‌ باران بارینه‌ى دێته‌ ئاسمانى ناوچه‌كه‌مان".

باسى له‌وه‌شكرد "چاوه‌ڕێى دۆخه‌كه‌ ده‌كه‌ین، ئه‌گه‌ر بزانین باران زۆر ده‌بارێت بڕیار له‌ باره‌ى ده‌وام و پشووى سبه‌ینێ ده‌ده‌ین".

وتیشى "له‌گه‌ڵ هه‌موو لایه‌نه‌كان په‌یوه‌ندییمان هه‌یه‌ و هه‌ر شوێنێك مه‌ترسى له‌سه‌ر بێت تیمى تایبه‌تى بۆ ده‌نێرین".

به‌پێى پێشبینییه‌ كه‌شناسییه‌كان، له‌ ئه‌مشه‌وه‌وه‌ شه‌پۆلێكى باران بارین هه‌رێمى كوردستان ده‌گرێته‌وه‌ و پێشبینى ده‌كرێت له‌ هه‌ولێر و گه‌رمیان لافاو دروستبێت.

ه،ع