مەودا میدیا-

 

بەپێی بڕیارێکی وەزارەتی ئەوقاف و کاروباری ئایینی حکومەتی هەرێمی کوردستان ئەو کەسانەی ناویان بۆ حەجی ئەمساڵ هاتووەتەوە و ناتوانن بچن، دەتوانن کەسێکی تر بخەنە شوێنی خۆیان، بەڵام بەچەند مەرجێک.

نەبەز ئیسماعیل، وتەبێژی وەزارەتی ئەوقاف و کاروباری ئایینی حکومەتی هەرێمی کوردستان راگەیاندووە، وەزارەتەکەیان بۆ فەریزەی حەجی ئەمساڵ بڕیاریداوە بەلابردنی تەنازول، ئەو بڕیارەش بۆ بەرژەوەندی گشتیی هاوڵاتییانە بۆئەوەی مافی کەس نەفەوتێت.

بەپێی بڕیارەکەی وەزارەتی ئەوقاف، ئەو کەسەی کە ناوی بۆ فەریزەی حەجی ئەمساڵ هاتووەتەوە دەتوانێت کەسێکی دیکە بخاتە شوێنی خۆی، بەڵام بە کۆمەڵێک مەرج و ڕێنمایی کە وەزارەتەکە بەم شێوەیەی خوارەوە دیاری کردووە.

وە تەنیا لەم پەیوەندییە خزمایەتییانەی خوارەوە تەنازولەکە جێبەجێ دەکرێت بۆ سەرجەم خاڵەکانی سەرەوە:

1- ژن و مێرد بۆ یەکتری.

2- کوڕ و کچ بۆ دایک و باوکیان و بە پیچەوانەوە.

3- خوشک و برا بۆ یەکتری و هەروەها خوشک و برا لە دایکەوە.

4- خێزانی باوک دەتوانێت بۆ کوڕ و کچی پیاوەکەی تەنزاول بکات.

5- ئەگەر پیاوێک لەگەڵ هاوسەرەکەی ناوی دەرچووبوو، بەڵام هاوسەرەکەی وەفاتی کردبوو، ئەگەر هاوسەری تری هەبوو دەتوانێت شوێنی بگرێتەوە.

6- لە گرووپی دوانی یان سیانی پیاوەکە یان ژنەکە دەتوانێت بۆ پلە یەکی هاوسەرەکەی تەنازول بکات، وەک خەزوور، خەسوو، “برا و خوشکی هاوسەرەکەی.

7- ئەو پشکەی لە لایەن ئێمەوە بۆ خانەوادەی شەهیدە سەربەرزەکان تەرخان دەکرێت، گشت مامەڵەی ئاڵوگۆڕ و تەنازول لە لایەن فەرمانگەی تایبەتی خۆیان لە سنووری پارێزگاکەی ئەنجام دەدرێت و هیچ پەیوەندیی بە وەزارەتی ئەوقاف و کاروباری ئاینییەوە نییە.

جگە لەو خاڵانەی سەرەوەش،