مەودا میدیا-

شەوی رابردوو لە سنوری ئیدارەی گەرمیان بەهۆی تەرزە و بارانبارین و هاتنی لافاوەوە زەرەر و زیانی زۆر بە هاوڵاتییان گەیشتووە. 

بەشێکی زۆر لە گەڕەکەکانی قەزای کەلار و ناحیەی رزگاری بەهۆی لافاوەکەوە ژێر ئاو کەوتن و خانو و ماڵەکانی ئەو گەڕەکانە بەتەواوی لافاو دایپۆشین. 

بەپێی لێدوانی بەرپرسانی حکومیی قەزای کەلار، شەوی رابردوو زیانی ماددی زۆر بە هاوڵاتییان گەیشتووە، بەڵام تا ئێستا بەهای زیانەکان نەخەمڵێنراوە.

لەلایەکی تریشەوە بەپێی ئامارەکانی کەشناسی ئیدارەی گەرمیان لەماوەی 24 سەعاتی ڕابردوودا لە سنوری ئیدارەی گەرمیان بڕی بارانبارین بەم شێوەیە بووە، لە قەزای كەلار 85 ملم، لە قەزای كفری 37 ملم، لە قەزای خانەقین 32 ملم، لە ناحیەی باوەنور 104 ملیم و لە ناحیەی مەیدانیش 103 ملم.

ه.ع