مه‌ودا میدیا-

وەزارەتی بیناسازی و نیشتەجێکردنی عيراق، له‌ رێگه‌ى په‌نجه‌ره‌ى ئه‌لكترۆنییه‌وه‌ ده‌ست ده‌كاته‌وه‌ به‌ پێدانى قه‌رزى نیشتەجێبوون بەو هاوڵاتيیانەی کە بە نیازی کڕین و دروستکردنی پرۆژەی خانووبەرەن، ده‌شڵێت، بۆ سوود وه‌رگرتنى زیاترى هاوڵاتییان،  پەنجەرەكان  24 کاتژمێر کراوە دەبێت.


وەزارەتی بیناسازی و نیشتەجێکردنی عیراق، ئەمڕۆ پێنج شەممە 22ى شوباتى 2024 ئاشكراى كرد، 3 بۆ 6ی مانگی ئازاری داهاتوو، قه‌رز ده‌ده‌ن به‌و هاوڵاتییانه‌ى به‌نیازى كڕینى یەکەی نیشتەجێ بوونن.

ئه‌وه‌شى خستووه‌ته‌ڕوو، پێدانى قه‌رزه‌كه‌ بە هاوڵاتيیان لە رێگەی پەنجەرەی ئەلیکترۆنییەوە ده‌بێت و باری دارایی و کۆمەڵایەتی کەسەکان و باری خێزانیان لە بەرچاو دەگیرێت.

راشیگه‌یاندووه‌، به‌مه‌به‌ستى سوود وه‌رگرتنى زۆرترین هاوڵاتى،  پەنجەرە ئەلیکترۆنییەکانیان بۆ پێدانی قەرز،  24 کاتژمێر کراوە دەبێت.