مەودا میدیا-

وەزارەتی ناوخۆی عیراق ئاماژە بە گۆڕینی دیزاینی كارتی نیشتمانی دەكات و دەشڵێت، تاوەكو ئەمڕۆ، زیاتر لە36 ملیۆن‌ و 714 هەزار هاوڵاتی بونەتە خاوەنی كارتی نیشتمانی و هه‌شت ملیۆنیش ماون كارتی نیشتمانییيان بۆ چاپبكرێت.

ئەحمەد مەعموری بەڕێوەبەری گشتی كارتی نیشتمانیى عيراق لەچاوپێكەوتنێكدا باسی لەوەش كردووە، لەسەرەتای ئەمساڵیشەوە ملیۆنێك ‌و 657 هەزار كەس كارتەكەیان بۆ دەرهێنراوە و تەنها لە 24 کاتژمێری ڕابردوشدا 42 هەزارو 704 کارتی نوێ بۆ هاوڵاتییان لەتەواوی عیراقدا چاپکراوە.

پلانێكی نوێی بەڕێوەبەرایەتییەكەیان لەسەر گۆڕینی دیزاینی ئێستای كارتی نیشتمانیی ئاشكرا دەكات و دەڵێت، ئەوانەی تائێستا كارتەكەیان بۆ دەرنەكراوە، دەبنە خاوەنی چاپی ڕەنگاوڕەنگ‌ و دیزاینی نوێی كارتی نیشتمانیی.

 وەزارەتی ناوخۆی عیراق دوا وادە بۆ كاركردن بەبەڵگەنامە كۆنەكانی باری شارستانی تا یه‌كی نیسانی ئەمساڵى دیاریكردووە.

پ ح ع