مه‌ودا میدیا-


ڕێکخراوی مافی مرۆڤی عەفرین رایگەیاند، میلیشیا چه‌كداره‌كانى سه‌ر به‌ توركیا به‌رده‌وامن له‌ كوشتن و بڕین له‌ عه‌فرینى رۆژئاواى كوردستان.

له‌ راپۆرتێكى ئه‌و رێكخراوه‌ هاتووه‌ " میلیشیاكانى سه‌ر به‌ توركیا له‌ سه‌ره‌تاى ئه‌مساڵه‌وه‌ تا ئێستا 4 هاوڵاتیيان لە کانتۆنی عەفرین کوشتووە و 94 هاوڵاتی دیکەیان رفاندووه‌".

باس له‌وه‌شكراوه‌ " میلیشیاكان ده‌ست له‌ هیچ شتێك ناپارێزن و له‌و چوار كه‌سش كه‌ كوژراون دوانیان ژنن، هه‌روه‌ها له‌ ماوه‌ى رابردوو ده‌ستیانكردووه‌ به‌ هه‌ڵكه‌ندن و بڕینه‌وه‌ى دار زه‌یتونه‌كانى ئه‌و شاره‌".

به‌هۆى بوونى میلیشیا چه‌كداره‌كانى سه‌ر به‌ توركیا له‌ عه‌فرین و چه‌ند ناوچه‌یه‌كى ده‌وروبه‌رى ئه‌و شاره‌، دۆخى خه‌ڵكى ناوچه‌كه‌ له‌ مه‌ترسیداره‌ و به‌رده‌وام رفاندن و كوشتن هه‌یه‌.


ه،ع