مەودا میدیا- 
وتەبێژی وەزارەتی پەروەردە رایگەیاند، تاقیكردنەوەكانی خولی یەكەمی پۆلی 12 ئامادەیی لە 23-6 تا 17ی تەمموزی 2024 بەڕێوەدەچن. 

سامان سیوەیلی، وتەبێژی وەزارەتی پەروەردە لە كۆنفرانسێكی رۆژنامەوانیدا  رایگەیاند، ئەو خوێندنگەیانەی لە 13ی ئەیلوول دەستیان بە خوێندن كردووە، لە 11 تاوەكو 23ی ئازار لە پشوودا دەبن، بەڵام ئەو خوێندنگەیانەی لە خوێندن دواكەوتوون، دەسەڵات دراوە بە پەروەردەكان سوود لە كاتی پشووەكان وەربگرن بۆ درێژەدان بە خوێندن. 

ئاماژەی بۆ ئەوەشكرد، بۆ تاقیكردنەوەكانی پۆلی 12 ، لە هەرێمی كوردستان بەگشتیی لەهەر هەفتەیەكدا دوو تاقیكردنەوە ئەنجامدەدرێن. 

باسی لەوەشكرد، بۆ هاوكاریكردنی خوێندكاران لە پرۆگرامەكانی خوێندنی پۆلی 12 كەمكراوەتەوە.

ئ پ