مه‌ودا میدیا-

حکومەتی عیراق بڕیاریدا هێزە ئەمنییەکان رێگە بدەن بە گواستنەوەی ئاسن و پاشماوەی سکراب بۆ ناوچەکانی هەرێمی کوردستان،سەرۆکی ژووری بازرگانی و پیشەسازی سلێمانیش ده‌ڵێت، بڕیارێکی لەم شێوەیە گرنگە بۆ زیاتر بەرەوپێشچونی کاری پیشەسازی لە هەرێم.

ئەمڕۆ سێشەممە27ى شوباتى 2024 ژووری بازرگانی سلێمانی رایگەیاند، حکومەتی عیراق، وەزارەتی ناوخۆ و بەرگری و دەزگای ئاسایشی نیشتیمانی و فەرماندەیی ئۆپراسێۆنەکانی بەغدای ئاگادارکردووەتەوە، رێگە بدەن بە گواستنەوەی ئەو کەرەستە خاوانە بەبێ هیچ رێگری و بەربەستێک لە هەموو پارێزگاکانی عیراق بۆ ئەوەی بگەن بە کارگەکانی هەرێم.

نەوزاد غەفور سەرۆکی ژووری بازرگانی و پیشەسازی سلێمانی رایگەیاند، دەرکردنی بڕیارێکی لەم شێوەیە گرنگە بۆ زیاتر بەرەوپێشچونی کاری پیشەسازی لە هەرێمی کوردستان و عیراق.

پ ح ع