مەودا میدیا-

ڕێکاری تازە بۆ تاپۆکردنی یەکەکانی نیشتەجێبوون دەردەچێت و ھەفتەی داھاتوو دەچێتە بواری جێبەجێکردنەوە، سەرۆکی دەستەی وەبەرھێنانی ھەرێمی کوردستانیش رایدەگەیەنێت، مەبەستمانە ئەو خەڵکەی ئەو یەکانە دەکڕن تاپۆی خۆیان ھەبێت و چیتر گرێبەست نەبێت .

محەمەد شوکری، سەرۆکی دەستەی وەبەرھێنانی ھەرێمی کوردستان ڕاگەیاند، بەمەبەستی تاپۆكردنی یەکەکانی نیشتەجێبوون لەسەر خاوەنەکانیان، ماوەی دوو ساڵە  لیژنەی ھاوبەشی وەبەرھێنان و شارەوانی و تاپۆ لە سەرتاسەری ھەرێمی کوردستان پێکھاتوون و کار دەکەن كە کاری  زۆر باش ئەنجامدراوە و مانگانە چەند ھەزار یەکەیەک تاپۆ دەکرێن.

وتیشی، ئامانجامان ئەوەیە ئەو خەڵکەی ئەو یەکانە دەکڕن تاپۆی خۆیان ھەبێت، بۆ ئەوەی چیتر گرێبەست نەبێت و ببێتە تاپۆ و بکەوێتە سەر ناوی خۆیان.

ناوبراو ئاماژەی بەوەشكرد، ھەر پڕۆژەیەکی وەبەرھێنانیش 60%ی تەواوکرابێت ئەوانیش تاپۆ دەکرێن بۆ ئەوەی نەتوانرێت لە دەرەوەی ڕێنماییەکانی حکوومەتی ھەرێمی کوردستان کڕین و فرۆشتنی پێبکرێت.


پ ح ع