مەودا میدیا-
تائێستا لیستی مووچەی فەرمانبەرانی هەرێمی كوردستان رەوانەی بەغدا نەكراوە و وەزارەتی دارایی عیراقیش دەڵێت: چاوەڕێی حكومەتی هەرێمن تا لیستەكە بنێرێت و ئەوانیش مووچەی فەرمانبەرانی هەرێم بنێرن.

سەرچاوەیەك لە وەزارەتی دارایی عیراق رایگەیاندووە، تا پێش بڕیارەكەی دادگای فیدراڵیی بڕیاربوو بەغداد 618 ملیار دینار بۆ ئەم مانگە بۆ هەرێمی كوردستان بنێرێت، بەڵام دوای بڕیارەكە دەبێت مووچەی سەرجەم مووچەخۆران خەرجبكرێت و بۆ ئەوەش پێویستیان بە لیستی مووچەی فەرمانبەرانە و تا ئەو لیستە نەنێردرێت ناتوانن تەنها دینارێكیش بنێرن.  

ئەوەش لە كاتێكدایە كە پێشتر هونەر جەمال، وتەبێژی وەزارەتی دارایی هەرێم رایگەیاند، تائێستا وەزارەتی دارایی عیراق هیچ داوایەكی لە ئێمە نەكردووە تا ئێمە لیستی مووچە بنێرین. 

ئ پ