مەودا میدیا-

 كۆماری ئیسلامی ئێران، بڕیاری راگرتنی هاتووچۆی گه‌شتیاری و بازگانی لە مه‌رزی نێوده‌وڵه‌تی باشماخ، هه‌ڵپسارد.

ئەمڕۆ پێنج شەممە 29ی شوباتی 2024 لە راگەیەندراوێكدا، بەڕێوەبەرایەتی کۆمەڵگای دەروازەی نێودەوڵەتی باشماخ  رایگەیاند، هاتووچۆی گەشتیاری و بازرگانی ئاسایی دەبێت و ڕاناگیرێت و بەردەوام دەبێت لەمەرزی نێودەوڵەتی باشماخ

ئەوەشی خستووەتەروو، لەلایەن وەزارەتی ناوخۆی كۆماری ئیسلامی ئێرانەوە ئاگاداركراوینەتەوە كە ئەو بڕیارەی پێشوو هەڵپەسێردراوە و هاتووچۆی گەشتیاری و بازرگانی ئاسایی دەبێت

ئەوەش لە كاتێكدایە، ئەمڕۆ دەروازەكە رایگەیاندبوو، سەرجەم هاوڵاتییان و گەشتیاران ئاگادار دەكەینەوە لە بەرواری (2024/2/29) لە کاتژمێر (12:00)ی  شەوی پێنج شەممە لەسەر هەینی هاتووچۆی گەشتیاری رادەگیرێت تاوەکو بەرواری (2024/3/2) رۆژی شەممە کاتژمێر (7:00)بەیانی، بەڵام دواتر بڕیارەكە لەلایەن كۆماری ئیسلامی ئێرانەوە هەڵپەسێردرا.

پ ح ع