مه‌ودا میدیا-

رێكخراوى هه‌نگاو بڵاویكرده‌وه‌، كۆڵبه‌رێكى كورد له‌ كاتى كۆڵبه‌رى له‌ لایه‌ن سوپاى پاسدارانى ئێران كوژرا.

رێكخراوی مافی مرۆڤی هه‌نگاو بڵاویكرده‌وه‌ " له‌ نزیك مێشاو كه‌ سه‌ربه‌ ناوچه‌ی سه‌رشیوی سه‌قزه‌، هێزه‌كانی ئێران ته‌قه‌یان له‌ كۆمه‌ڵێك كۆڵبه‌ر كردووه‌ و كوشتویانه‌".

باس له‌وه‌شكراوه‌ "ئه‌و كۆڵبه‌ره‌ ناوى عه‌لی زه‌رغامی ته‌مه‌ن 52 ساڵه‌و خه‌ڵكی گوندی ساریباغی سه‌ربه‌ شاری تیكاب و دانیشتووی شاری سه‌قز بووه‌، خێزانداره‌ و باوكی سێ منداڵه‌".

هه‌فته‌ی رابردووش‌ له‌ سه‌رده‌شت كۆڵبه‌رێكى گه‌نج به‌ ناوی كاوان ئه‌مجه‌دی نیا كه‌ باوكی سێ منداڵه‌، به‌ ته‌قه‌ی هێزه‌كانی سوپای پاسداران كوژرا.

ع،ه