مه‌ودا میدیا-

ئه‌مڕۆ یه‌كشه‌ممه‌، شاندێكى بۆردى رێكخراوه‌ پیشه‌ییه‌كانى یه‌كێتیی نیشتمانیی كوردستان سه‌ردانى ماڵى عوسمانى حاجى مه‌حموود، سه‌ركرده‌ى ناڕازى بزووتنه‌وه‌ى گۆڕانیان كرد.

عه‌باس فه‌تاح، ئه‌ندامى سه‌ركردایه‌تی و سه‌رۆكى بۆردى رێكخراوه‌ پیشه‌ییه‌كان رایگه‌یاند "به‌مه‌به‌ستى هه‌واڵ پرسین سه‌ردانى ماڵى تێكۆشه‌رى دێرین، عوسمانى حاجى مه‌حموودمان كرد".

ئه‌و سه‌ردانه‌ى شاندى رێكخراوه‌كانى یه‌كێتى له‌ كاتێكدایه‌، ناوبراو ماوه‌ى چه‌ند ساڵێكه‌ به‌هۆى نیگه‌رانییه‌وه‌ وازى له‌ بزووتنه‌وه‌ى گۆڕان هه‌یه‌ و چه‌ندجارێكیش بۆ گه‌ڕانه‌وه‌ بۆ ناو ریزه‌كانى گۆڕان قسه‌ى له‌گه‌ڵ كراوه‌ به‌ڵام رازى نه‌بووه‌.

له‌وكاته‌ى ئێستا كه‌ نزیكده‌بینه‌وه‌ له‌ هه‌ڵبژاردنى په‌رله‌مانى كوردستان و چوونى ئه‌و شانده‌ى یه‌كێتى بۆلاى ئه‌و سه‌ركرده‌ى پێشوى گۆڕان، لاى چاودێران و میدیاكان به گرنگ باسكرا.

ع،ه