مه‌ودا میدیا-


به‌رپرسێكى وه‌زاره‌تى پێشمه‌رگه‌ رایگه‌یاند، هاوكارییه‌كانى ئه‌مه‌ریكا بۆ هێزه‌كانى پێشمه‌رگه‌ تا دوو ساڵى تر به‌رده‌وامده‌بن.

لیوا عوسمان محەمەد بەڕێوەبەری گشتی راگەیاندن‌ و هۆشیاریی لەوەزارەتی پێشمەرگە رایگەیاند"ئەمریکا هاوکار و هەمانگی زۆرباشی هێزەکانی پێشمەرگەی کردوەو توانیویەتی لەڕێگه‌ی ئاسمانی‌و زەویەشەوە هاوکاریی بکات".

باسى له‌وه‌شكرد "لەئیستادا هاوکاریی‌و هەماهەنگی هێزەکانی ئەمریکا بۆ هێزی پێشمەرگە بەردەوامە لەپڕۆسەی راوێژکاریی‌و لۆجستی بۆ هێزەکانی پێشمەرگە".

وتیشى " ئەوان درێغییان نەکردوە، دواتر رێککەوتنێکی هاوبەش لەنێوان هەردولادا هەیە، به‌گوێره‌ى ئەو رێککەوتننامەیەو ناوەڕۆکی رێککەوتنەکە هاوکاریی‌و کۆمەکەکان بەردەوامدەبێت تاکو ساڵی 2026".


ع،ه