مەودا میدیا-

بەهۆی فرۆشتنی جگەرەی ئەلیکترۆنی بە مێرمنداڵ، لیژنە هاوبەشەکانی قائیمقامیەتی سلێمانی مارکێتی کۆبانێ لە گەڕەکی بەرانان دادەخات.

قائیمقامیەتی سلێمانی بڵاویکردەوە" بەهۆی سەرپێچیکردن لە مەرج و رێنماییەکانی کارکردن و فرۆشتنی جگەرەی ئەلیکترۆنی بەمێرمنداڵ، بەفەرمانی قائیمقامی سلێمانی، لیژنه‌ هاوبه‌شه‌كان مارکێتی کۆبانێ دادەخات و خاوەنەکەشی رووبەڕووی رێکاری یاسایی دەکه‌نه‌وه".

باس لەوەشکراوە"لەڕێگەی راگەیاندنەوە سەرجەم مارکێت و شوێنەکان ئاگادارکراونەوە کە فرۆشتنی جگەرە، جگەرەی ئەلیکترۆنی شوێنەکە رووبەڕووی داخستن دەکاتەوە".

پێشتر وەزارەتی بازرگانی حکومەتی هەرێمی کوردستان رایگەیاند، ئەو شوێنانە جگەرەی ئەلیکترۆنی و ڤەیپ دەفرۆشن دادەخرێن و سزای ماددی و یاسایی دەکرێن.

ع،ە