مەودا میدیا-
ئەو پارەیەی كە بەغدا بۆ مووچەی فەرمانبەرانی هەرێمی كوردستان رەوانەی دەكات بەشی مووچە ناكات و نزیكەی 360 ملیار دینار كورتهێنانی هەیە. 

بەپێی وتەی رێباز حەملان، یاریدەدەری سەرۆكی حكومەت، حكومەتی هەرێم 920 ملیاری پێویستە بۆ دابەشكردنی مووچە، بەڵام تائێستا وەزارەتی دارایی عێراق 560 ملیار دیناری بۆ هەرێمی كوردستان ناردووە، بۆیە بۆ دابەشكردنی مووچەی مانگی شوبات نزیكەی 360 ملیار دینار كورتهێنانیان هەیە. 

لەبارەی راگەیاندنی لیستی مووچەشەوە دەڵێت: سبەی وەزارەتی دارایی هەرێمی كوردستان كۆدەبێتەوە و گفتوگۆ دەكات بۆئەوەی هەرچی زووە لیستی مووچە رابگەیەنرێت. 

رێباز حەملان، ئاماژەی بەوەشكردووە رۆژی چوارشەممە ئەنجوومەنی وەزیرانی هەرێمی كوردستان كۆدەبێتەوە و تاوتوێی بڕیارەكانی دادگای فیدراڵیی و كردنەوەی هەژماری بانكیی بۆ فەرمانبارانی هەرێم دەكات. 
ئ پ