مه‌ودا میدیا-

سه‌باره‌ت به‌ دابه‌شكردنى مووچه‌ى فه‌رمانبه‌رانى هه‌رێمى كوردستان بۆ مانگه‌كانى داهاتوو، دادگای فیدراڵی عیراق له‌ روونكردنه‌وه‌یه‌كدا رایده‌گه‌یه‌نێت، پرۆسەى بەئەلکترۆنیکردن کاتى زۆرى پێویستە، بۆ ئەوانەى فریاى بەئەلکترۆنیکردن نەکەوتن پێویستە بە کاش مووچەکانیان پێبدرێت.

ئه‌مڕۆ سێ شه‌ممه‌ 12ى ئازارى 2024، له‌ روونكردنه‌وه‌یه‌كیدا، دادگاى فیدراڵى عیراق ئاماژه‌ به‌وه‌ده‌كات، ئامانج لە بڕیارەکەی دادگای فیدراڵی بە ئەلکترۆنیکردنى مووچە و دڵنیاییدانە لەمافی فەرمانبەرانی هەرێم و پاراستنی قوتی رۆژانەیان و بەدیهێنانی دادپەروەریی کۆمەڵایەتییە.

ئه‌وه‌ش هاتووه‌، پێویستە پەلە بکرێت و هەوڵی زیاتر بدرێت بە مەبەستی جێگیرکردنی  و بەدیهێنانی پرۆسەی بە ئەلکترۆنیکردنەکە، بۆ ئەوەی مووچەی فەرمانبەرانی تریش بەشێوەی کاش خەرجبکرێت، کە هێشتا بەهۆی کێشەی هونەرییەوە پرۆسەی بە ئەلکترۆنیکردنى مووچەکانیان بۆ نەکراوە.


پ ح ع