کوردستانی
مووچه‌خۆرانى هه‌رێم له‌به‌ر ئه‌م هۆكاره چالاكییه‌ك ئه‌نجامده‌ده‌ن
مەودا میدیا - سلێمانی |
مه‌ودا میدیا-
له دواى بڕیارى دادگاى فیدراڵى له‌سه‌ر پێدانى مووچه‌ى فه‌رمانبه‌رانى هه‌رێم به كارتى بانكى و له بانكه حكومییه‌كاندا، مووچه‌خۆران به‌و بۆنه‌یه‌وه چالاكییه‌كى ئازادكردنى باڵنده‌كان ئه‌نجام ده‌ده‌ن.
دڵشاد میرانى، ئه‌ندامى ده‌سته‌ى داكۆكى له مافى مامۆستایان و فه‌رمانبه‌رانى ناڕازى بۆ مه‌ودا میدیا رایگه‌یاند، له‌به‌ر ئه‌وه‌ى فه‌رمانبه‌رانى هه‌رێم مووچه‌كانیان له به‌رداشى نێوان حكومه‌تى هه‌رێم و حكومه‌تى عیراقى ده‌ربازى بوو، وه یه‌كلایی بووه‌ته‌وه و بووه به ماڵ به‌سه‌ر حكومه‌تى عیراقییه‌وه ته‌نها میكانزمى به‌رێوه‌چوونى پرۆسه‌كه ماوه ئه‌وه‌ش زۆرى پێناچێت، بۆیه بڕیارمانداوه به‌و بۆنه‌یه‌وه چالاكییه‌ك ئه‌نجامبده‌ین.
وتیشى، چالاكییه‌كه‌مان ئازاد كردنى ژماره‌یه‌ك باڵنده و ئاژه‌ڵى ماڵییه له هه‌وارى شار و له سه‌رجه‌م شار و شارۆچكه‌كانى هه‌رێمى كوردستانیش ئه‌و چالاكییه ئه‌نجام ده‌درێت، وه له ئێستادا ده‌یان كه‌س هاتوونه‌ته سه‌ر خه‌ت كه ئاژه‌ڵى ماڵییان هه‌یه و ده‌یانه‌وێت له‌و كاته‌دا ئازادى بكه‌ن.
له‌باره‌ى كاتى ئه‌نجامدانى چالاكییه‌كه‌ش، دڵشاد میرانى، ئاماژه‌ى به‌وه‌كرد، له داهاتوویه‌كى نزیكدا و له دۆخێكى گونجاودا كات و رێكه‌وتى چالاكییه‌كه راده‌گه‌یه‌نین كه له سه‌رجه‌م ناوچه‌كان له یه‌ك كاتدا ئه‌نجامیده‌ده‌ین.
ئه‌وه‌شى خسته‌روو، چالاكییه‌كه هه‌موو چین و توێژه‌كان تێیدا به‌شداره و رێكخراوه‌كانى مافى ئاژه‌ڵانیش هاوكارمان ده‌بن
پ ح ع
بیروڕا
