مەودا میدیا-
هەفتەی داهاتوو پێدانی تابلۆی ئۆتۆمبێلی هەڵەبجە دەستپێدەكات و هاوڵاتییانیش لە هەر شارێكی هەرێمی كوردستان بن دەتوانن ببنە خاوەنی تابلۆی ئەو پارێزگایەی كوردستان.

بەڕێوەبەری هاتوچۆی هەڵەبجە رایگەیاند، هەموو رێكارەكانی پێدانی تابلۆی ئۆتۆمبێل لە پارێزگای هەڵەبجە تەواو بووە و هەفتەی داهاتوو هاوڵاتییان دەتوانن مامەڵە بكەن و ببنە خاوەنی تابلۆی هەڵەبجە. 

وتیشی، كۆدی تابلۆی هەڵەبجە ژمارە 23 یە و هەر هاولاتییەكیش بیەوێت دەتوانێت وەك تابلۆی هەر پارێزگایەكی تری هەرێمی كوردستان تابلۆی ژمارەی هەڵەبجە وەربگرێت. 

ئاماژەی بۆ ئەوەشكرد، داهاتی پێدانی تابلۆی هەڵەبجە دەچێتە بەڕێوەبەرایەتیی گەنجینەی هەڵەبجە. 

ئ پ