مەودا میدیا-
وەزارەتی دارایی عیراق رایگەیاند، بڕی 563 ملیۆن دیناریان بۆ مووچەی دەستەی وەبەرهێنانی هەرێمی كوردستان ناردووە و هۆكاری درەنگ ناردنەكەشی بۆ وردبینی گەڕاندەوە. 

ئەمڕۆ پێنج شەممە، 14ی ئازار وەزارەتی دارایی عیراق رایگەیاند، بڕی 563 ملیۆن دینارمان بۆ مووچەی دەستەی وەبەرهێنانی كوردستان ناردووە، بەمەش كۆی گشتیی ئەو پارەیەی بەغداد ناردوویەتی گەیشتە 569 ملیار و 782 ملیۆن دینار.  

وەزارەتی دارایی عیراق راشیگەیاند، هۆكاری درەنگ ناردنی پارەكە بەهۆی وردبینییەوە بووە و دوای ئەوەی بۆیان دەركەوتووە كە لیستەكە كەموكوڕیی تێدانییە پارەكەیان رەوانەی هەرێم كردووە. 
ئ پ