مه‌ودا میدیا-


رێكخراوی هەنگاو بۆ مافەكانی مرۆڤ بڵاویكرده‌وە، هێزه‌كان سوپاى پاسداران گه‌نجێكى ته‌مه‌ن 22 ساڵى كۆڵبه‌ریان كوشت.

له‌ راگه‌یه‌ندراوێكى ئه‌و رێكخراوه‌ هاتووه‌ "عەتا حوسێنی، ته‌مه‌ن 32 ساڵ، خەڵكی گوندی بلەبزانى سەر بە شاری پاوە، له‌كاتى كۆڵبه‌رى هێزه‌كانى سوپاى پاسداران ته‌قه‌یان لێكردووه‌ و دوای نۆ رۆژ مانه‌وه‌ لە نەخۆشخانەی تاڵقانی كرماشان، بە هۆی سەختی برینەكەیەوە گیانی لە دەست دا".

عەتا پێشتر بەهۆی برینداربوونی مێشكى لەكار كەوتبوو، له‌ سنورى نه‌وسود ته‌قه‌ى لێكرابوو و فیشه‌ك به‌ر سنگى كه‌وتبوو.

ئێران ساڵانه‌ ده‌یان كۆڵبه‌رى كورد له‌كاتى كۆڵبه‌رى ده‌كوژێت و هه‌ندێكیش به‌هۆى سه‌رماو كه‌وتنه‌ خواره‌وه‌ گیان له‌ده‌ستده‌ده‌ن.

ع،ه