مه‌ودا میدیا-

دواى ئه‌وه‌ى هه‌فته‌ى رابردووتر هێڵى ئاوى دوكان سلێمانى شكا و بۆ ماوه‌ى چه‌ند رۆژێك به‌شێكى خه‌ڵكى سلێمانى بێ ئاوبوون، جارێكى تر بۆریه‌كه‌ شكاوه‌ته‌وه‌.

هاوڕێ حسێن، بەڕێوبەری فەرمانگەی ئاوی بازیان رایگه‌یاند " بۆ جارێکی تر بۆری سەرەکی ئاوی سلێمانی - دوکان لە نزیک تاسڵوجە شکایەوە و هەتا کاتی چاککردنەوەی بۆرییەکە لەلایەن تیمی بەڕێوبەرایەتی ئاوی سلێمانی، قەزای بازیان و چەمچەماڵ و چەند گەڕەکێکی شاری سلێمانی هاوشێوەی رۆژەکانی رابردوو بێ ئاو دەبن".

ئه‌وانه‌ى به‌هۆى شكانى ئه‌و بۆریه‌ بێ ئاو ده‌بن، ژماره‌یان ده‌گاته‌ 350 هه‌زار كه‌س و چه‌ند گه‌ڕه‌كێكى شارى سلێمانيش بێ ئاو ده‌بن و خه‌ڵك ناچارن په‌نا بۆ ئاوى تانكه‌ر ببه‌ن.

ع،ه