کوردستانی
له سلێمانى یه‌كه‌م قوتابخانه بایكۆتى ده‌وامى كرد
مەودا میدیا - سلێمانی |
مه‌ودا میدیا-
به‌هۆى دواكه‌وتنى مووچه‌كانیان، یه‌كه‌م قوتابخانه بڕیاریدا بایكۆتى ده‌وام بكات و نه‌چنه‌وه بۆ ده‌وام تا كاتى وه‌رگرتنى مووچه‌كانیان.
به‌پێى ئه‌و زانیارییانه‌ى به مه‌ودا میدیا دراون " قوتابخانه‌ى گوندی گه‌ڕه‌زیل له سنورى قه‌زاى قه‌ره‌داغ بڕیاریاندا بایكۆتى ده‌وام بكه‌ن و له ئه‌مڕۆوه ناچنه‌وه بۆ قوتابخانه تا ئه‌و كاته‌ى مووچه دابه‌ش ده‌كرێت".
ئه‌و مامۆستایانه به كۆى ده‌نگ بڕیارى بایكۆتى ده‌وامیان داوه و ناچنه‌وه هۆڵه‌كانى خوێندن.
سامان عه‌لى، ئه‌ندامى مامۆستایانى ناڕازى به مه‌ودا میدیاى راگه‌یاند "پێشتر رامان گه‌یاند، له‌به‌رانبه‌ر ئه‌و سته‌م و برسیكردنه‌ى حكومه‌تى هه‌رێم كه ده‌ستى به‌سه‌ر مووچه‌ى فه‌رمانبه‌ران گرتووه بێده‌نگ نابین و چاوه‌ڕێبن له رۆژانى داهاتوو هه‌ڵوێستى توندمان ده‌بێت".
زیاتر له 45 به‌سه‌ر دابه‌شكردنى مووچه‌ى مانگى یه‌كى فه‌رمانبه‌رانى هه‌رێم تێده‌په‌ڕێت و تا ئێستا حكومه‌تى هه‌رێم ئاماده نییه مووچه دابه‌شبكات ئه‌گه‌رچى به‌غدا نزیكه‌ى هه‌فته‌یه زیاتر له 530 ملیار دینارى بۆ هه‌رێمى كوردستان ناردووه.
ع،ه
بیروڕا
