راپۆرت

فه‌رمانبه‌ران بۆ حكومه‌ت: ئه‌مڕۆ یان سبه‌ى هیچ ده‌سه‌ڵاتێكت نامێنێت

مەودا میدیا - سلێمانی |


فه‌رمانبه‌ران بۆ حكومه‌ت: ئه‌مڕۆ یان سبه‌ى هیچ ده‌سه‌ڵاتێكت نامێنێت

مه‌ودا میدیا-

فه‌رمانبه‌ران له‌ به‌رانبه‌ر دابه‌شنه‌كردنى مووچه‌ و راگرتنى پاره‌ى مووچه‌كه‌یان له‌ لایه‌ن حكومه‌تى هه‌رێم ده‌ڵێن، چیتر به‌سه‌و كۆتاییته‌ و دادگاى فیدراڵیی به‌ هه‌موو شێوه‌یه‌ك بێ ده‌سه‌ڵاتتان ده‌كات.

ئارام عه‌زیز، فه‌رمانبه‌ر به‌ مه‌ودا میدیاى راگه‌یاند" به‌غدا مووچه‌ى فه‌رمانبه‌رانى هه‌رێمى كوردستانى ناردووه‌، به‌ڵام حكومه‌تى هه‌رێم ده‌ستى به‌سه‌ردا گرتووه‌ و دابه‌شى ناكات و نزیكه‌ى 50 رۆژیشه‌ مووچه‌ دابه‌شنه‌كراوه‌".

باسى له‌وه‌شكرد "پێویسته‌ حكومه‌ت ئه‌وه‌ بزانێت ئه‌مڕۆ بێت یان سبه‌ى به‌ته‌واوى بێ ده‌سه‌ڵات ده‌بێت و هیچ له‌ ده‌ست نامێنێت و دادگاى فیدراڵیی هه‌رچى ده‌سه‌ڵاته‌ لێى وه‌رده‌گرێته‌وه‌".

سامان جه‌میل، فه‌رمانبه‌رێكى تره‌ و به‌ مه‌ودا میدیاى راگه‌یاند "ئه‌وه‌ى فه‌رمانبه‌ران ده‌یكات ئه‌وپه‌ڕى سته‌مه‌ به‌رانبه‌ر به‌ فه‌رمانبه‌ران، چونكه‌ خۆى داهاتێكى زۆرى له‌ به‌رده‌ستدایه‌ و به‌غداش پاره‌یه‌كى زۆر ناردووه‌ و هاوكارى هاوپه‌یمانانیش وه‌رده‌گرێت، به‌ڵام ده‌ستى به‌سه‌ر قوت و مووچه‌ى فه‌رمانبه‌ران گرتووه‌".

رۆشنا ئه‌حمه‌د، مامۆستایه‌و له‌و باره‌وه‌ ده‌ڵێت "حكومه‌تى هه‌رێم شه‌ڕى فه‌رمانبه‌ران ناكات و شه‌ڕى خۆى و هه‌ژمارى من ده‌كات و ده‌یه‌وێت به‌ راگرتنى مووچه‌ى فه‌رمانبه‌رانى هه‌رێم فشار له‌ به‌غدا بكات بۆ ئه‌وه‌ى كار به‌ هه‌ژمارى من بكات، له‌كاتێكدا ئه‌و هه‌ژماره‌ هیچ متمانه‌یه‌كى نییه‌ و هیچ سودیشى نییه‌".

حكومه‌تى هه‌رێم، له‌ كۆبوونه‌وه‌ى ئه‌نجومه‌نى وه‌زیران به‌ ئاشكرا بڕیاریداوه‌ دابه‌شكردنى مووچه‌ى فه‌رمانبه‌رانى هه‌رێم رابگرێت به‌و پاره‌یه‌ى كه‌ به‌غدا بۆ فه‌رمانبه‌رانى هه‌رێمى ناردووه‌ و بڕكه‌ى زیاتر له‌ 530 ملیار دیناره‌.


Qaiwan
Qaiwan

زۆرترین خوێندنەوە

بیروڕا


News

کوشتنی ژنێک و راچڵەکینی کۆمەڵگەیەک

لەلایەن میهرەبان حسێن


News

کورد چاو لە عەرەب و ئەفغان بکات

لەلایەن بەهێز حسێن


News

ئیتر براکان دەستی یەکتر ناگرن

لەلایەن سۆزان حەمەتاتە