مه‌ودا میدیا-

شه‌قامى سه‌ره‌كى گه‌ڕه‌كى به‌ختیارى له‌ سلێمانى كه‌ له‌ ناو خه‌ڵكدا به‌ (جاده‌ى پۆزه‌كه‌) ده‌ناسرێته‌وه‌ به‌هۆى به‌رته‌سكى شه‌قامه‌كه‌ و ئه‌و قه‌ره‌باڵه‌غییه‌ زۆره‌ى هاتوچۆى كه‌وتووه‌ته‌ سه‌ر، نیگه‌رانى لاى شۆفێران دروستكردووه‌ و داوا ده‌كه‌ن مه‌وداى شه‌قامه‌كه‌ فراوانتر بكرێت.

جاده‌ى پۆزه‌كه‌ له‌ به‌ختیارى فشارێكى زۆرى هاتوچۆى له‌سه‌ره‌ و مه‌وداى شه‌قامه‌كه‌ش كه‌مه‌، ئه‌وه‌ش واى كردووه‌ شۆفێران نیگه‌ران بن له‌و قه‌ره‌باڵه‌غییه‌ زۆره‌ و داوا ده‌كه‌ن به‌رده‌م دووكانه‌كان به‌كاربهێنرێت بۆ فراوانتركردنى مه‌وداى شه‌قامه‌كه‌.

له‌و باره‌یه‌وه‌، ئاكو عه‌زیز، جێگرى سه‌رۆكى شاره‌وانى سلێمانى بۆ مه‌ودا میدیا رایگه‌یاند، به‌رده‌م ئه‌و دووكانانه‌ موڵكى خۆیانه‌ و ئێمه‌ بێجگه‌ له‌ دوو مه‌تره‌كه‌ى شاره‌وانى هه‌ر یه‌كى پێنج مه‌ترمان پێكردوون به‌ شۆسته‌.

وتیشى، ئه‌وه‌ موڵكى خه‌ڵكه‌ و وه‌كو شاره‌وانى ناتوانین سوود له‌و زه‌وییانه‌ وه‌ربگرین بۆ ئه‌وه‌ى بیكه‌ین به‌ شه‌قام.

پ ح ع