راپۆرت
هاوڵاتییان و چاودێران: پارتى خیانهتى له خوێنى كورد كرد
مەودا میدیا - سلێمانی |
![هاوڵاتییان و چاودێران: پارتى خیانهتى له خوێنى كورد كرد](/uploads/article/thumbnail/37274/slider_13ad6223-35aa-4942-86b2-a2340dff7c97.jpg)
مهودا میدیا-
رازاندنهوهى قهڵاى ههولێر كه رهمزى كوردایهتى و هۆلاكۆ بهزێنه، هاوكات پڕكردنى شار و شهقام و كوچهو كۆڵانهكانى شارى ههولێر به ئاڵاى توركیا، نیگهرانى و توڕهیی خهڵك و چاودێرانى بهدوادا هاتوو دهڵێن، پارتى خیانهتى له خوێنى كورد كرد.
ئاراز سابیر، هاوڵاتیی لهو بارهوه به مهودا میدیاى راگهیاند "ئهو كارهى كه پارتى دهیكات بۆ ئهردۆغان و رازاندنهوهى شار بهئاڵاى توركیا، بهتهواوى خیانهتبوو له خوێنى ئهو كوردانهى كه به دهستى توركیا شههیدكران".
باسى لهوهشكرد "ئهردۆغان لهسهروبهندى ریفراندۆم هێرشى توندى كرده سهر ههرێمى كوردستان و كورد، رهنگه به پیلانى ئهویش ههرێمى كوردستان لاوازكرابێت، بهڵام پارتى ههر زوو ئهوهى لهبیركرد و ئێستا قهڵاى ههولێرى بۆ رازاندووهتهوه".
عهباس جهلیل، چاودێرى سیاسى به مهودا میدیاى راگهیاند "ههر ههفتهى رابردووبوو دوو گهنجى كورد له شارباژێر و له سنورى ئامێدى به بۆردوومانى توركیا شههیدكران و هێشتا ئهو دوو خێزانه پرسهدارن، بهڵام پارتى بێباكانه لهبرى ههڵوێست و مهردایهتى، كارى نامهردانهى كرد".
"رۆژانه توركیا هێرش و بۆردوومانى ههرێمى كوردستان دهكات حكوومهت و بهرپرساتى بچوكترین ههڵوێستیان نهبووه، بهڵام خۆیان بۆ سهردانهكهى ئهرۆدغان ئامادهكردووه وهك ئهوهى هیچ رووینهدابێت".
ئهو دهڵێت "ههولێرییهكان بهو كارهى پارتى نیگهران و ناڕازین، بهڵام بهرپرسانى پارتى و بهرپرسانى پارتى كه لهناو حكومهتى ههرێمن ئهو كارهیان كردووه، ئهوهندهى تر نۆكهریی خۆیان بۆ بێگانه دوپاتكردهوه".
بیروڕا
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/81/resized_3333.png)
![News](/uploads/author/picture/2/resized_%D9%A8.png)
![News](/uploads/author/picture/36/resized_69d6cdd8-2ad4-42e7-8cf3-6791b44b1035.jpg)