مه‌ودا میدیا-

بریكارى وه‌زاره‌تى ئاوه‌دانكردنه‌وه‌ى حكومه‌تى هه‌رێم رایگه‌یاند، بۆ ته‌واوكردنى رێگاى ده‌ربه‌ندیخان كه‌لار 40 ملیار دینار پێویسته‌.

ئاگرین عه‌بدوڵا، بریكارى وه‌زاره‌تى ئاوه‌دانكردنه‌وه‌ و نیشته‌جێكردنى حكومه‌تى هه‌رێمى كوردستان به‌ مه‌ودا میدیاى راگه‌یاند "كاركردن له‌رێگاى دووسایدى كه‌لار ده‌ربه‌ندیخان به‌رده‌وامى هه‌یه‌".

گوتیشى "به‌شی زۆرى كاره‌كانى ئه‌و رێگایه‌ ته‌واو بووه‌ و له‌و شوێنه‌ش كه‌ ته‌واوبووه‌ له‌به‌ر شۆفێران كراوه‌ته‌وه‌ و هاتوچۆى له‌سه‌ر ده‌كرێت".

باسى له‌وه‌شكرد "ئێستا مانگانه‌ 400 ملیۆن دینار بۆ كۆمپانیاكه‌ ته‌رخانده‌كرێت، به‌ڵام بۆ ته‌واوبوونى هه‌موو پرۆژه‌كه‌ 40 ملیار دینارمان پێویسته‌".

ع،ه