کوردستانی
هۆشدارى دهدرێته هاوڵاتییان
مەودا میدیا - سلێمانی |
![هۆشدارى دهدرێته هاوڵاتییان](/uploads/article/thumbnail/37840/slider_6692941147dc918b4e506bedff003a8c_L.jpg)
مهودا میدیا-
بەڕێوەبەرایەتیی بەرگریی شارستانیی گەرمیان هۆشدارى دهداته هاوڵاتییان له مهترسى مهلهكردن له رووبارى سیروان و دهڵێت "بەهیچ شێوەیەک سەلامەت و رێگەپێدراو نیە"، چەند رێنماییەكيشی بڵاوکردووەتەوە.
له راگەیەنراوێکدا، كه ئەمڕۆ سێشەممە، بەڕێوەبەرایەتیی بەرگریی شارستانیی گەرمیان بڵاویکردووەتهوه رایدهگهیهنێت "مەلەکردن لە رووباری سیروان رێگەپێدراو نیە، چونکە بەهیچ شێوەیەک تەندروست و سەلامەت نییە".
راشیگهیاندووه "لە حاڵەتی چوونی هاوڵاتییان بۆسەر رووباری سیروان، دەبێت رەچاوی چەند رێنماییەک بکەن، کە ئەمانەن":
پێویستە هاوڵاتییان لەکاتی مەلەکردنیان لە رووباری سیروان زۆر وریابن و دڵنیابن لەقوڵی ئــاوەکە و هەروەها بەهیچ شێوەیەک منداڵ یان ئەو کەسانەی کە مەلە نازانن، نابێت بە تەنها مەلە بکەن.
پێویستە هاوڵاتییان کەلوپەلی فریاگوزارییان پێبێت و لەو شوێنانەی کارگەی چەو و لمی لێیە و ئەو شوێنانەی هێمای ئاگادارکردنەوەی لێ دانراوە مەلە نەکەن، چونکە مەترسیدارە.
نابێت لەکاتی مەلەکردن وەکو یاریکردن هەوڵی یەکتر ژێرئاوکردن بدرێت، چونکە دەبێتەهۆی ماندوبوون، هەروەها نابێت لە کاتەکانی شەودا مەلە بکرێت.
پ ح ع
بیروڕا
![News](/uploads/author/picture/81/resized_3333.png)
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/112/resized_resized_dbc12a4b-1162-4309-b3c0-d1dc63caf9d5.png)
![News](/uploads/author/picture/13/resized_IMG-20200119-WA0001.jpg)