مەود میدیا-

رێكخراوی تەندروستی جیهانی دوایین هۆشداری دایە ئەو كەسانەی كە جگەرەو نێرگەلە دەكێشن و دەڵێت زووتر توشی كۆرۆنا دەبن.

لە راگەیەندراوێكی رێكخراوی تەندروستی جیهانی هاتووە "ئەو هاوڵاتیانەی كە نێرگەلەو جگەرە و جۆرەكانی تر دەكێشن زیاتر و زووتر توشی ڤایرۆسی كۆرۆنا دەبن".

ئەو رێكخراوە باسی لەوەشكردووە "لەو كاتەی كە ئەو كەسە جگەرە دەكێشێت دەست لە جگەرەكەو دواتر دەست لە دەمی دەدات لەوانەیە ببێتە هۆی گواستنەوەی ئەو ڤایرۆسە بۆ ناو دەمی كەسە و تووشبوونی".

لە لایەكی ترەوە ئەوانەی جگەرەو نێرگەلە دەكێشن كۆئەندامی هەناسەیان لاواز دەبێت و بەهۆیەوە لە كاتی تووشبوون بە كۆرۆنا كەمتر توانای بەرگرییان هەیە.