مه‌ودا میدیا-

نوێنەری گشتیی وانەبێژانى هه‌رێم، رایده‌گه‌یه‌نێت "سبه‌ینێ یەکشەممە ده‌ستده‌كرێت به‌ دابه‌شكردنى شایستە داراییەکانی مانگی چواری مامۆستایانی وانەبێژ".

عەلی رەئووف مستەفا، نوێنەری گشتیی وانەبێژانى هه‌رێمى كوردستان بۆ مه‌ودا میدیا رایگه‌یاند "سبه‌ینێ یەکشەممە و دووسبه‌ى دووشەممە شایستە داراییەکانی مانگی نیسانی 2024، بۆ مامۆستایانی وانەبێژ دابەشدەکرێت". 

وتیشى "بەپێی رێنوێنیی ژمارە 14ی وەزارەتی دارایی، ئەو مامۆستا وانەبێژانەی هەڵگری بڕوانامەی دبلۆمن، لەنێوان 250 - 350 هەزار دیناریان بۆ خەرج دەکرێت و بۆ هەڵگرانی بڕوانامەی بەکالۆریۆسیش،  250 - 400 هەزار دیناریان خەرج دەکرێت".

روونیشیكرده‌وه‌ "ژمارەی مامۆستایانی وانەبێژ لە هەرێمی کوردستان، 37 هەزار مامۆستایه‌ و کرێی مانگانەیان 15 ملیار دینارە".

پ ح ع