مه‌ودا میدیا-

تەندروستیی غەززە، ئامارى قوربانیانی هێرش و بۆردوومانەكانی ئیسرائیل لەماوەی 24 كاتژمێری رابردوو بڵاودەكاتەوە و رایده‌گه‌یه‌نێت "35 هاوڵاتیی دیكەی مەدەنی كوژران و زیاتر لە 50 كەسیش بریندار بوون"، ده‌شڵێت "ژمارەی كوژراوان و برینداران بۆ زیاتر لە 130 هەزار كەس بەرزبووەتەوە، كە زۆربەیان ژن و منداڵن".

لە راگەیەندراوێكدا وەزارەتی تەندروستیی لە كەرتی غەززە، رایگه‌یاندووه‌ "لەماوەی 24 كاتژمێری رابردوودا لەئەنجامی هێرش و بۆردوومانەكانی سوپای ئیسرائیل بۆ سەر ناوچەكانی كەرتی غەززە، 35 هاوڵاتیی دیكەی مەدەنی كوژران و زیاتر لە 50 كەسیش بریندار بوون".

راشیگه‌یاندووه‌ "لە دەستپێكی هێرشەكانی ئیسرائیل بۆسەر كەرتی غەززە تاوەكو ئێستا، 39 هەزارو 480 كەس كوژراون، ژمارەی بریندارانیش بۆ 91 هەزارو 128 كەس بەرزبووەتەوە، كە زۆربەیان ژن و منداڵن".

پ ح ع