مەودا میدیا-
بەرهەمهێنانی كارەبا لە عیراق گەیشتووەتە 27 هەزار و 550 مێگاوات و بەوەش ئێستا وڵاتەكە خواستی 57%ی هاوڵاتییان بۆ كارەبا لەناوخۆدا بەرهەمدەهێنێت. 

زیاد عەلی، وەزیری كارەبای عیراق، لە كۆنفرانسێكی رۆژنامەوانیدا رایگەیاند "بۆ ئەم هاوینە بەرهەمی كارەبامان گەیشتووەتە 27 هەزار و 550 مێگاوات كە یەكەمجارە لە عیراقدا ئەو رێژە زۆرەی كارەبا تۆمار دەكرێت".
 
وتیشی "ئێستا خواستی هاوڵاتییان لەسەر كارەبا گەیشتووەتە 48 هەزار مێگاوات و كورتهێنانی كارەباش لە عیراق بۆ 20 هەزار و 450 مێگاوات زیادبووە". 

ئاماژەی بۆ ئەوەشكرد "ئەمساڵ قەبارەی باری زیادی كارەبا بە بەراورد بە ساڵی رابردوو 20٪ زیادیكردووە، ئەوەش وایكردووە گوشار لەسەر تۆڕەكان زۆر بێت". 
ئ.پ