مه‌ودا میدیا-

فەرماندەی ئۆپراسیۆنە هاوبەشەکانی عیراق سه‌باره‌ت به‌ هێرشه‌كه‌ى سه‌ر  بنکەی عەین ئەسەد راگەیەندراوێکی نوێى بڵاوكرده‌وه‌.

لە راگەیەندراوەکەدا هاتووه‌ "شەوی رابردوو لە رێی دوو موشەكەوە هێرش كرایە سەر سەربازگەی عەین ئەسەد لە ئەنبار، لە دوای هێرشەكە هێزەكانمان دەستیان بەسەر ئۆتۆمبێلێكی بارهەڵگردا گرت كە هەشت موشەكی تێدا بوو".

ئه‌وه‌ش هاتووه‌ "بە هەموو شێوەیەك هەر جۆرە هێرشێك رەتدەكەینەوە كە لە ناوخۆ یان دەرەوەی عیراقەوە ئەنجام بدرێت".

روونیشیكردووه‌ته‌وه‌ "زانیاریی گرنگیشمان سەبارەت بە ئەنجامدەرانی هێرشەكە دەستكەوتووە".

پ ح ع