مه‌ودا میدیا-

پارتى دیموكراتى كوردستان و به‌ دیاریكراویش مه‌سرور بارزانى، سه‌رۆكى حكومه‌تى هه‌رێم مووچه‌ى فه‌رمانبه‌رانیان به‌ بارمته‌گرتووه‌ و دابه‌شى ناكه‌ن.

دوو هه‌فته‌ پێش ئێستا هه‌ر یه‌كه‌ له‌ پێشه‌وا هه‌ورامانى، وته‌بێژى حكومه‌تى هه‌رێم و رێباز حه‌ملان، یاریده‌ده‌رى سه‌رۆكى حكومه‌ت بۆ كاروبارى ئابوورى، بڕیاربوو له‌ هه‌فته‌ى پێشوو مووچه‌ى مانگى هه‌شتى فه‌رمانبه‌ران دابه‌شبكرێت".

سه‌رچاوه‌یه‌كى تایبه‌ت به‌ مه‌ودا میدیاى راگه‌یاند "دواى دروشمه‌كانى یه‌كێتى و قوباد تاڵه‌بانى، له‌ناو كۆبوونه‌وه‌ى ئه‌نجومه‌نى وه‌زیران، مه‌سرور بارزانى، سه‌رۆكى حكومه‌ت بڕیاریداوه‌ دابه‌شكردنى مووچه‌ رابگرێت".

سه‌رۆكى حكومه‌ت به‌گوێدانه‌ دۆخى خراپى فه‌رمانبه‌ران مووچه‌ى به‌ بارمته‌ گرتووه‌ و ئاماده‌نییه‌ دابه‌شى بكات له‌كاتێكدا ده‌بوو ئێستا ئاماده‌كاریی بۆ مووچه‌ى مانگى نۆ و ده‌ بكرایه‌.