مه‌ودا میدیا-

بانکی شارەزوور، ژماره‌یه‌ك له‌ وارسی شەهیدان ئاگادار دەکاتەوە كه‌ له‌ ماوه‌ى كه‌متر له‌ 15 رۆژدا کۆدی بێ هاوتا( upn ) ده‌ربكه‌ن، پێچەوانەوە دواى ئه‌و ماوه‌یه‌ مووچەکانیان رادەگیرێت.

شارەزوور لە راگەیەندراوێکدا وارسی ئەو شەهیدانە ئاگادار دەکاتەوە کە ناویان لەم لیستانەدا هاتووە، پێویستە لەئه‌مڕۆوە تاوەکو 10/11/2024 سەردانی ( بەڕێوەبەرایەتیی گشتیی شەهیدان و ئەنفالکراوانی هەڵەبجەی شەهید ) بکەن بۆ دەرکردنی کۆدی بێ هاوتا( upn ) بە پێچەوانەوە تاوه‌کو ئەو رێکەوتە سەردان نەکەن مووچەکانیان رادەگیرێت.

هەر لە راگەیەندراوەکەی بانکی شارەزووردا هاتووە "پێویستە وارسی شەهیدان ئەم پێداویستییانەی پێبێت".

پێداویستییه‌كان:

1- کۆپییەک لە کۆدی بایۆمەتری
2- پێناسی وەرگرتنی مووچە
3- کارتی نیشتمانیی

ب ح