مه‌ودا میدیا-

په‌رله‌مانتارێكى عیراق رایده‌گه‌یه‌نێت "دواى هه‌وڵدانێكى زۆر و چه‌ندین نووسراو، توانرا رەزامەندی وەزیری کار و کاروباری کۆمەڵایەتی عیراق وەربگیرێت بۆ پێدانی چاودێریی کۆمەڵایەتی بۆ زیاتر لە 400 هاوڵاتیی کەمدرامەت". 

كاروان یاروه‌یس، په‌رله‌مانتاری عیراق له‌ سه‌ر فراكسیۆنى یه‌كێتی بڵاویكردووه‌ته‌وه‌ "لەماوەکانی رابردوودا هەوڵى تەواوماندا بۆ پێدانی چاودێریی کۆمەڵایەتی بە چەند هاوڵاتییەک لە سنووری کفری و چەندین نووسراومان کرد".

راشیگه‌یاندووه‌ "دوای ئەو هەوڵانە توانرا رەزامەندی وەزیری کار و کاروباری کۆمەڵایەتی عیراق وەربگیرێت بۆ پێدانی چاودێریی کۆمەڵایەتی بۆ زیاتر لە 400 هاوڵاتیی کەمدرامەت لەسنوری کفری".

 پ ح ع