مەودا میدیا-

بەهای تمەنی ئێرانی بەردەوامە لە دابەزین و ئەمڕۆش نرخی یەک دۆلاری ئەمەریکی لە تاران گەیشتە 70 هەزار و 50 تمەن.

شارەزایانی بواری ئابووری ئاماژەیان بەوە کردووە "دابەزینی بەردەوامی بەهای تمەن دەگەڕێتەوە بۆ پەرەسەندنی ئاڵۆزییەکانی نێوان ئێران و ئیسرائیل لەلایەک و رەوانەکردنی هێزی زیاتر بۆ رۆژهەڵاتی ناوەڕاست، لەلایەن ئەمەریکاوە".

ئەمڕۆ یەکشەممە 2024/11/3، نرخی یەک دۆلاری ئەمەریکی بە 70 هەزار و 50 تمەن بوو،لەگەڵ ئەوەش نرخی دراوەکانی تریش بەرانبەر بە تمەن بەرزبووەتەوە و نرخی یەک یۆرۆ گەیشتە 76 هەزار و  200 تمەن و یەک پاوەنی بەریتانیش بۆ 90 هەزار و 500 تومەن بەرزبووەتەوە.

بە هەمانشێوەی دراوەکانی تر بەهای دیناری عیراقیش لە بازاڕەکانی ئێران بەرزبووەتەوە و نرخی هەزار دینار گەیشتە 53 هەزار و 550 تمەن.

ب ح