مه‌ودا میدیا-

دوای هاوتاكردنی مووچەی خانەنشینان، ئەوانەی بەرلە 2014 خانەنشین كرابوون خزمەت و بڕوانامەیان بۆ هەژمار نەكراوە، بەڕێوەبەری خانەنشینی سۆرانیش دەڵێت،  كارلەسەر ئەوەدەكرێت مووچەی ئەوكەسانەش هاوشێوەی ئەوانەی دیكە زیاتر بكرێت.

یه‌عقوب ئەحمەد، بەڕێوەبەری خانەنشینی سۆران رایگەیاند "لە 1-7-2024 دەستكراوە بە رێكارەكانی هاوتاكردنی مووچەی خانەنشینانی هەرێمی كوردستان لەگەڵ خانەنشینانی حكوومەتی فیدڕاڵ، تائێستاش زیاتر گۆڕانكاری لە مووچەی خانەنشینانی فەرمانبەران كراوەو مووچەكانیان هاوشێوەی خانەنشینانی بەغدا پێدراوە".

وتیشى "ئەوانەی بەرلە ساڵی 2014 خانەنشین كراون كاری لەسەر دەكرێت، كە بۆ مووچەی ئەوانیش خزمەت و بڕوانامەیان بۆ هەژمار بكرێت، بەتایبەتیش ئەوانەی رێنماییەكان دەیان گرێتەوە".

ع