مه‌ودا میدیا-

به‌هۆی ته‌واوبوونى به‌رهه‌مى ناوخۆ نرخى ته‌ماته‌ به‌رده‌وامه‌ له‌به‌رزبوونه‌وه‌، ئه‌و ته‌ماته‌یه‌ى له‌ بازاڕه‌ هاورده‌ى ئێرانه‌و ئه‌وه‌ش هۆكارى گرانبوونى نرخه‌كه‌یه‌تى.

سه‌روه‌ر عه‌لى، به‌رپرسى سه‌ندیكاى عه‌لوه‌ى سلێمانى به‌ مه‌ودا میدیاى راگه‌یاند "نرخى ته‌ماته‌ به‌هۆى نه‌مانى به‌رهه‌مى ناوخۆ و كه‌مبوونه‌وه‌، گرانبووه‌، له‌ هه‌رێمى كوردستان كه‌ سه‌رما ده‌ستیپێكرد، ته‌ماته‌ نامێنێت".

وتیشى "هه‌موو پارێزگاى سلێمانى و ناوچه‌كه‌ش پشت به‌ ته‌ماته‌ى پێنجوێن و شاره‌زوور ده‌به‌ستن، ئه‌وانیش به‌رهه‌میان ته‌واو بووه‌ و ته‌ماته‌ زۆر كه‌مبووه‌ته‌وه‌".

باسى له‌وه‌شكرد "ئه‌وه‌ى له‌بازاڕه‌ ته‌ماته‌ى هاورده‌یه‌ و كیلۆى 750 دینار گومرگى له‌سه‌ره‌، ئه‌گه‌ر به‌ زوویی ئه‌و گومرگه‌ لانه‌برێت زیاتر گران ده‌بێت و یه‌ك كیلۆ به‌ دوو هه‌زار دیناره‌".